Bap - Jipsmann

Album:

Wieso mohts du mir bloß passier

wofür weed ich bestroof

dat ich als Dilledopp rotiere
un sick Woche nimieh schloof?
Wo ich och hin will
ich land immer
nur vüür dinger Düür

ich kumm mir vüür wie fernjesteuert -
wat mähß du met mir?

Die sonn jeht op
wenn du rinnküss

wie spät et och ess
un jede Silb vun dir kling logisch

wat du och sähß.
doch unger uns -
die eijentliche Sensation:
Ich weede noh un noh zum Chamäelon!!!

Ich benn dir restlos verfalle.
Ich benn hoffnungslos hin.
Dunn mir doch endlich dä Jefalle
un jeff mir ming Medizin.

Ich loss dich als Madonna mohle

lääsch dir Ruhse vüür de Düür

hühr Michael Jackson - wenn ich soll

drink' alkoholfrei Bier.
Ich dunn mich veedelstündlich kämme
un rasiere
wenn ich muss

doch bitte loss mich jetz nit hänge

scheck mich nit nohuss!!

Ich benn dir restlos verfalle.
Ich benn hoffnungslos hin.
Dunn mir doch endlich dä Jefalle
un jeff mir ming Medizin.

Ich kann mich nimieh konzentriere

verfranse mich ahn einem Stöck

kann mir dat alles nit erkläre

jonn mir ald selver op de Söck.
Ich hühr mich nur Schwachsinn lalle

du jehs mir nit mieh uss dämm Senn.
Dunn mir doch endlich dä Jefalle:
Jeff mir ming Medizin!!

Ich benn dir restlos verfalle.
Ich benn hoffnungslos hin.
Dunn mir doch endlich dä Jefalle
un jeff mir ming Medizin.